top of page
1
LE CAHIER D'UNE APPRENTIE RUNNEUSE
Run ... Write ... Repeat !
1 er Site De Runneuse
En Tunisie
DEPUIS 07-03-2018
Sirine BOUBAKER
...انا نومرو في قائمة العار
...اخي الصّيدلانــــي... اختاه الصّيدلانيــــــة
...و حتى وخينا الّي خذا الباك و ناوي يشد هالثّنيّــــة
...بعد دراسة عميـــقـــة فـي الوقائع الجليّـــة... نجّمت بعون الله نحّدد سر البليّة
...باختصار....غلطة عمري "صـــيدلـــيّـــة"
...ايّ نعم... من غير ما تبهتوا فيّا...و اسمعو حكايتي من اوّلها قبل ماتحكمواعليّا
...بادئ ذي بدء... هاذي قصّة واقعيّة و ايّ تشابه في الاحداث هو تشابه في القضيّة.
!!!نستعرف
...اخترت صيدلــة و انا في كــامل قوايا العقليّــة
...و نستعرف زادة... الاختيار اخترتو وحدي دون أطراف خارجيّــة و لا أيــادي خفيّــة
...من منطلق خدمة شريفــة و إنسانيّــة...وتحت شعار فـليساتها مش دونيّـــة.
...وياريتني لاخذيت الباك و لا حطّيت فيها ساقيّــــــا
...من العام الاول في الكليّـــة ...حسّيت الحكاية مش هيّــــا.
...زنـــس دراما سريـاليّــة خياليّـــة ... فوق الطاقـــة البشريّــة
وشدّيت صحيح و قلت لاحال يدوم ... غدوة نوصل و التّعــــب يهــــون
"يرحمها كلثوم كيف غنّات "نسيت النّوم"
...مانطولش عليكم... مالعام الثّاني جيت للـثّـنيـة...حطيت في قلبي و فرحت والديّــــــا
"رأسهم مرفوع ..."بنتنــــا دكتـــــــــورة" ... "بنتنـــــــا صــــيـــدلانــــيّـــة
...الحكاية حتّى الهوني جميلة والحالة عاديّة
...وتـــوّا سامحونـــــي ... وفــات الفقرة الكـــوميديّــة
...ممكن باش تلوموني عــلّـــــي اتقــــــال و باش يــتــقال
...أما اليوم ولّيت انفرّق بين الممكن و المحـــــال
...اليوم عرفت بلادي غابـــــة ...الّلقمــــة فيها للوكّـــال
علاش عـطاونـي فرصة نحلم؟؟؟ وعلاش قالولي الحلم حــــــلال؟؟
...طلعــت الحكاية خــرّافة من تألــيف عباد كبار
...قسمـوا قسمة كارتيزيّة و كانو أصحاب القرار
...هوما خذاو الصّيدلية ...و انـــا... قايمة إنتظار
...أمّا من عدل القضيّــــــــة ...عطاونـــــي حقّ الاختيار
...انّــــجم نشري صيدليّة ...الحكاية مرهونــــــــة فمليـــار
...اليوم عرفت الحلم حرام و الّي انا و الّي كيفي... نومرو في قايمة العــــــار
Un texte de Dr.Sirine BOUBAKER
bottom of page